Text des Notariatsinstrumentes:

»In nomine Domini, Amen. Anno a nativitate eiusdem millesimo quingentesimo vicesimo primo, die vero decima septima mensis Ianuarii, Pontificatus sanctissimi in Christo Patris et Domini nostri, Domini Leonis, divina providentia Pape decimi, anno octavo, indictione nona, in Opido Nurmberg, Bambergen. dioc. in mei notarii publici testiumque infrascriptorum ad hoc specialiter vocatorum et rogatorum presencia, constututus providus et circumspectus vir, Dominus Lazarus Spengler, a secretis Senatus Civitatis Nurmbergensis, principalis principaliter pro se ipso, omnibus melioribus, fecit et constituit suum verum et legitimum procuratorem, videlicet venerabilem et egregium Iuris utriusque Licentiatum, Dominum Heinricum Voytten, absentem tamquam presentem, ad ipsius Domini constituentis nomine et pro eo coram reverendo Domine Iohanne Eckio, sacre theologie et iurium doctore, prefati Domini nostri pape nuntio et prothonotario apostolico, comparendum, necnon absolutionem ob illicitam participationem seu favoris, auxilii et consilii praestacionem, cuidam fratri Martino Lutter, ordinis fratrum sancti Augustini Herwemitarum, forsan prestitas, ad cautelam saltem ab eodem Domino Iohanne Eckio prothonotario et nuntio apostolico pro ipso Domino constituente humiliter petendum et obtinendum, de parendo sancte nmatris ecclesie et prefati Domini nostri pape mandatis, et illud quodcunque necessarium iuramentum in animam ipsius Domini constituentis prestandum et iurandum, literas absolutionis expediendum, et generaliter omnia alia circa premissa necessaria faciendum et procurandum, que ipse Dominus constituens facere et facere posset, si premissis omnibus presens et personaliter interesset, promittens, se ratum et gratum habiturum, quicquid dictus procurator eius in premissis nomine egerit, relevans eundem ab omni onere satisdandi, iudicio sisti, et iudicatum solvi, super quibus dictus Dominus constuens sibi a me notario infrascripto publico unum vel plura fieri et confici petiit instrumentum et instrumenta. Acta sunt hec in prefato Opido Nurmberg Bambergen. dioc. in praetorio in Cancellaria, sub anno, die, mense, indictione et pontificatu, quibus supra; presentibus ibidem providis viris Steffano Bayr et Georgio Lochner, laicis, Bambergen. Dioc. testibus ad premissa specialiter vocatis et rogatis. Deinde anno, indictione et pontificatu, quibus supra, die vero vicesima sexta supra dicti mensis Ianuarii providus et circumspectus vir, Dominus Wilibaldus Pirckamer, Civis Nurmbergensis, principalis principaliter pro se simili modo, forma et tenore omnibus melioribus constituit prefatum venerabilem virum, Hainricum Voytten, Iuris utriusque Licentiatum, in legitimum procuratorem suum, absentem tanquam presentem, ad ipsius constituentis nomine et pro eo coram prefato Domino Eckio, nuntio et prothonotario comparendum, ab eodem beneficium absolucionis , ut supra in forma prefertur, petendum et obtinendum, de parendo sancte matris ecclesie et Domini nostri pape mandatis, et aliud quoscunque necessarium iuramentum in animum ipsius Dominiconstituentis prestandum et iurandum, literas absolucionis expediendum et generaliter omnia alia circa premissa necessaria faciendum et procurandum, ut supra in forma. Promisit insuper dictus dominus constituens se ratum et gratum habiturum, quicquid supradictus procurator in premissis nomine eius egerit, relevans eundem ab omni onere satisdandi, ut supra prefertur; super quibus omnibus et singulis prefatus Dominus constituensc a me notario publico infrascripto fieri et confici petiit instrumentum et instrumenta. Acta sunt hec in prefato Opido Nurmberg, in domo et solita habitacione domini constituentis, sub anno, indictione, die, mense et Pontificatu, quibus supra; presentibus ibidem providis viris Georgio Herl et Steffano Bayr, laicis, Bambergen. dioc. testibus ad premissa specialiter vocatis et rogatis. (.S.) Et ego Gabriel Schedner, clericus Ratisponensis diocesis, apostolica et Imperiali auctoritatibus notarius publicus, quia predictis,procuratoris constitutioni, potestatis dationi, promissioni et relevationi, omnibusque aliis et singulis, dum sic, ut premittitur, fierent, et agerentur, una cum prenominatis testibus presens interfui, eaque sic fieri vidi et audivi, ideo hoc presens publicum instrumentum manu mea propria scriptum exinde confeci, et in hanc publicam formam redegi, signoque et nomine meis solitis et consuetis signavi, in fidem et testimonium omnium et singulorum premissorum specialiter rogatus et requisitus.«

 Text des Testimonium absolucionis:

» Ego N. attestor, quod cumprovidus Dominus Billibaldus Birkheimer, civis Nurmbergensis, per procuratorem suum legittimum N. coram me proposuisset, quando superioribus diebus Bulla contra errores Luderanos Misne, Merseburgi et Brandenburgi publicata, ipse ut suspectus de favore Luderi dogmatum per notarios tunc affigentes et publicantes fuerit nominatus et in exsequutione bulle scripta expressus, sepe [sese] autem per omnia obedientem preceptis sancte matris ecclesie filium asseruit et obtulit, sicut ex quadam schedula nomine eius postea Reverendissimo Domino Episcopo Bambergensi, civitatis Nurembergensis ordinario, oblata, et oblacionibus per Clarissimum Iurisconsultum, Martinum Rorer, procuratorem suum, coram me, V. Ian., factis liquere proposuit. Nicholominus quia et occupationum onere et corporis gravitate remoratus absolucionem ad cautelam in termino prefixo a S.D.N. non obtinuit, quare conscientie sue saluti consulere volens, denuo per prefatum N. procuratorem suum legittimum, obedientiam in sedem apostolicam, et sanctissimum Dominum nostrum, renovavit et humiliter absolutionem petiit, in animam suam fieri iubens, que de iure et consuetudine in huiusmodi negocio fieri debent. Quare ad oblacionem, exhibicionem et peticionem nomine dicti Domini Billibaldi factam piissimi Domini nostri Leonis decimi pontificis maximi, immo potius salvatoris nostri clementia incitatus eundem eiusdem S.D.N. auctoritate, specialiter mihi in hac parte concessa, prestito prius per procuratorem ad manus iuramento corporali in animam constituentis, de detestando omnem heresim et errores a sede apostolica condemnatos, et de parendo mandatis ecclesie, a pena excommunicationis, et aliis penis, quas quomodolibet pretextu dicte suspicionis vel contumacie quomodolibet incurrisset, absolvi, et absolutum declaravi, omnibus prioribus fame et honoribus et unitati sancte matris ecclesie restituendo, ad honorem Dei et fidei catholice exaltacionem.«